АҚШнинг Колорадо штатида уйсиз Майкл Ингфорс Eternal splendor лотереясида 500 минг доллар ютиб олди. У Аспен шаҳридаги ёқилғи қуйиш шохобчаларидан бирида 10 долларга лотерея чиптаси сотиб олганди, дея хабар беради 9NEWS.
«Мен ундан энди нима билан шуғулланиши ҳақида сўрадим. У оёққа туриши лозимлиги ва 20 йилдан бери кўрмаган қизи билан муносабатларни йўлга қўйиш ниятида эканини билдирди», — дея ҳикоя қилди маҳаллий бошпанасизлар уйи вакили Жереми Ковалис.
Америкаликнинг олти йилдан бери ўз уйи йўқ. У шу пайтга қадар ичкиликбозлик, бизнесини йўқотиш ва турмуш ўртоғи билан ажримни бошидан кечирган.
500 минг доллар Eternal splendor лотореясидаги энг катта ютуқ бўлиб, унга эга бўлиш эҳтимоли 840 мингтадан бирга тенг.
Изоҳ (0)