Она қорнида ЭКУ (экстракорпорал уруғлантириш) ёрдамида пайдо қилинган илк бола туғилганидан кейин 37 йил ўтиб, бу усул орқали кучук болалари дунёга келтирилди, деб ёзади PLoS One журнали.
Муваффақиятли тажриба Корнелл университетида ўтказилди. Урғочи бигл ва иккита донор ота (бигл ва кокер-спаниел)нинг болалари соғлом ва ўзларини яхши ҳис қилмоқда.
Итлар учун ЭКУ устида ишлашга бунча кўп вақт талаб этилишига ушбу жониворларда уруғлантирилмаган тухумҳужайра етилиши учун кўпроқ вақт керак бўлиши сабаб бўлди. Олимлар тасодифангина, тухумҳужайрани организмдан бир кун кечроқ олиш кераклиги, шунда уруғланиш имкониятлари кескин ўсишини аниқлади.
Кучукларда ЭКУнинг муваффақиятли тарзда амалга оширилиши уй ҳайвонлари, шунингдек, одамларда ирсий касалликлар билан курашиш имкониятини беради. Бундан ташқари, олимлар ЭКУ итлар оиласининг қирилиб кетаётган турларини сақлаб қолишга ёрдам беришига умид қилмоқда.
Изоҳ (0)