Hyundai компанияси Genesis премиум суббрендининг биринчи модели — G90 флагман седанини расман тақдим этди, дея хабар бермоқда Motor. Жанубий Кореяда компаниянинг энг ҳашаматли модели EQ900 номи остида сотилади.
G90’нинг габарит узунлиги 5205 мм, эни 1915 мм, баландлиги эса 1495 мм. Моделнинг ғилдирак базаси 3160 миллиметрга тенг.
G90 учун учта бензинли двигатель тайёрлашди, улардан бири наддувли (босими атмосфераникидан юқори бўлган ҳаводан озиқланадиган), қолган иккитаси атмосферали. Moторларнинг барчаси саккиз диапазонли автоматик узатиш қутиси билан уйғунлашади.
Genesis G90 седанининг энг кучли версияси 5,7 сонияда соатига 100 км тезликка эга бўлади, турбомоторли вариантда эса бу кўрсаткич 6,2 сонияга тенг.
G90’да мавжуд бўладиган ускуналар қаторига 12,3 дюймли экранга эга мультимедиа тизими, Lexicon аудиотизими, айлана кўриниш тизими ва бошқалар киради.
Изоҳ (0)