GM Uzbekistan автомобилларининг жорий йил январь—ноябрь ойларида Россиядаги сотуви 2014 йилнинг шу даврига нисбатан 47 фоизга (18753 донагача) пасайди. Бу ҳақда Европа бизнеси ассоциацияси автомобиль ишлаб чиқарувчилари қўмитаси маълумотларига таяниб, UzDaily хабар берди.
2015 йил ноябрида корхона Россияда 1634 та машина сотган, бу ўтган йилнинг шу ойига солиштирганда 13 фоизга кам. Россия бозорида GM Uzbekistan улуши январь—ноябрь ойларида ўтган йилдаги 1,6% ўрнига 1,3 фоизни ташкил этган.
2015 йил 11 ойи якунлари бўйича GM Uzbekistan Россияда автомобиль сотиш ҳажми бўйича 21-ўринни эгаллаган. Корхонанинг ҳеч бир модели ушбу мамлакатдаги энг харидоргир 25 автомобиль рўйхатига кирмади.
Изоҳ (0)