Янгиланган Chevrolet Cobalt расман тақдим этилди (фото)

Рестайлинг қилинган Chevrolet Cobalt Бразилияда намойиш этилди, дея хабар бермоқда «Колёса». Седан дизайни энди марканинг янги корпоратив стилида бажарилган.

Моделнинг олд қисми Chevrolet’нинг фирма дизайнига мувофиқ равишда қайта ишланган: энди автомобилнинг чироқлари энсиз кўринишга келган, радиатор панжараси ва туманга қарши чироқлар шакли ўзгарган.

Интерьерда янгиликлар кам, бироқ iOS ва Android’даги смартфонлар билан ишлай оладиган MyLink мультимедиа тизими пайдо бўлди. Янгиланган Chevrolet Cobalt’нинг энг яхши комплектациясига ёруғлик датчиклари, орқани кўриш камералари ва чарм салон киради.