Австралиянинг Holden компанияси Chevrolet бренди билан танилган янгиланган Captiva кроссоверини тақдим этди. Бу ҳақда «Колёса» хабар бермоқда.
Holden кроссоверни ўзининг услубига мослаштиришга ҳаракат қилган, бироқ янгиланишлар автомобилнинг ташқи кўринишига катта таъсир кўрсатмади: радиатор панжараси бироз ўзгаргани, кундузги ёруғлик диодли сигнал чироқлари қўшилганини ҳисобга олмаса, бу ўша-ўша Chevrolet.
Дизайнерлар шу билан чекланиб, салонни ўзгартиришга киришди. Йўлтанламас интерьерида олди панель ўзгарганини кўриш мумкин: унинг марказидан етти дюймли сенсорли дисплей эга ва Apple CarPlay ҳамда Android Auto’ни қўллаб-қувватловчи MyLink мультимедиа тизими ўрин олган. Кроссовер бир йўла икки эскирган версия — Captiva 5 ва Captiva 7 ни янгилаб, ўзида ҳам беш, ҳам етти ўринли вариантларни бирлаштиради.
Автомобиль орқа томонни кўрсатувчи камера, машинани қўйишда ёрдам бериш ва автомобиль ортидаги объектлар ҳақида огоҳлантириш, шунингдек, кўзга ташланмас ҳудудларни назорат этиш тизимлари билан жиҳозланди. Мотор қисми эса ўзгаришсиз қолган.
Эслатиб ўтамиз, Chevrolet компанияси ҳам яқинда янгиланган Captiva тақдимотини ўтказди. Австралия компаниясининг варианти эса аслида ундан радиаторнинг фальш-панжараси ва Holden рамзи билан фарқланади, холос.
Изоҳ (0)