Chevrolet’нинг 2016 йилги моделлар қаторидан тўртинчи авлод Chevrolet Spark автомобили ҳам ўрин олган. «Колёса» нашри автомобилнинг янги суратларини эълон қилди.
Янги автомобиль, катта эҳтимол билан, дастлаб фақат Жанубий Кореяда ишлаб чиқарилади. Эски Spark’га нисбатан янгисининг салони нисбатан шинам кўриниш олган.
Оддий материаллардан фойдаланилганига қарамай, «Колёса»нинг ёзишича, интерердаги ўзгаришлар автомобилнинг ҳамёнбоплиги ҳиссини иккинчи даражага туширган — салонда «қимматбаҳолик руҳи»ни берувчи безаклардан фойдаланилган.
Янги автомобилнинг рули мультифунксионал. Етти дюйм экранли MyLink мультимедиа тизими эса янги Chevrolet автомобилларининг ажралмас бўлагига айланиб бўлди.
Ўнта хавфсизлик ёстиқчасидан ташқари янги Chevrolet Spark’да автотураргоҳ ёрдамчиси, орқа томонни кўриш камераси, «кўринмас» зоналарни назорат қилиш функцияси, олд тўқнашувлар олдини олиш ва чизиқ бўйлаб ҳаракатланишни назорат қилиш тизими ҳам бўлади.
Изоҳ (0)