Volvo компанияси «Ким бошқараётганини томоша қилинг» деб номланган ва тўрт ёшли Софи исмли қиз радиопульт ёрдамида 18 тоннали FMX самосвалини бошқараётгани тасвирланган роликни тақдим этди. Шу орқали швецияликлар машина ва унинг янги тизими — олдинги етакчи кўприкни автоматик равишда қўшишнинг ишончлилигини намойиш этди. Бу ҳақда Motor хабар бермоқда.
Софи машинани қурилиш майдонида барпо этилган тўсиқлар орасидан олиб ўтди. Самосвалга рул ғилдирагини айлантирадиган, тезлик ва тўхташни бошқарадиган махсус механизмлар ўрнатилганди.
FMX арқонда осилиб турган оғир қутига урилди, ўнг тарафи билан баланд бордюрдан юриб ўтди, уйни вайрон қилди ва ағдарилиб тушди. Қияликдан қулаган машина Софининг буйруқлари ёрдамида ҳаракатни давом эттирди.
Мазкур видео Volvo Trucks компаниясининг Live Test деб номланган роликлар туркумидаги учинчиси бўлди. Бунгача самосвални оғмахон бошқарган, Жан-Клод Ван Дамм эса ҳаракатланиб турган икки шатак орасида шпагат намойиш этганди.
Изоҳ (0)