Қрим Давлат кенгаши раиси Владимир Константинов энергия танқислиги туфайли фавқулодда ҳолат режими жорий этилган ярим орол аҳолисига янги туғилган чақалоқларни Генератор деб аташни таклиф қилди. Бу ҳақда «Интерфакс» хабар бермоқда.
«Фавқулодда вазият нафақат муаммоларни, балки ўз даврининг ҳазилларини ҳам келтириб чиқарди. Кеча эшитдимки, энди бизни мегаватчилар деб аташаётган экан. Одамлар навбатда туриб, 200 ватт колбаса беришни сўраяпти, чунки Қримда энди ҳамма нарса ватт ва мегаваттларда ўлчанади. Қизларга Света деб исм қўйишмоқда, Давлат кенгашида эса ўғил болаларга Генератор деб исм бериш ҳақида жуда оригинал таклиф билан чиқишди», — деди Қрим спикери республика парламентининг навбатдан ташқари мажлисида.
Изоҳ (0)