Россия Ташқи ишлар вазирлиги раҳбари Сергей Лавров Туркия ташқи ишлар вазири Мевлют Чавушўғлу билан учрашишга рози бўлди. Бу ҳақда Meduza хабар беради.
Лавровнинг сўзларига қараганда, Туркия томони Белградда юзма-юз учрашувни ташкил этишни қатъий сўрамоқда. Белградда 3—4 декабрь кунлари ЕХҲТ ташқи ишлар вазирлари кенгашининг йиғилиши бўлиб ўтади.
«Биз бу учрашувдан бош тортмаймиз. Жаноб Чавушўғлунинг сўзларини тинглаб кўрайлик. Балки омма олдида билдирилган сўзлар билан таққосланганда, янги нимадир пайдо бўлар», — деди Лавров.
Аввалроқ Туркия президенти Ражаб Тоййиб Эрдўғон Россия етакчиси Владимир Путиндан Парижда бошланган иқлим саммити доирасида учрашишни сўраган эди. Бироқ учрашув амалга ошмаган эди.
Изоҳ (0)