Мадам Тюссо музейида Майк Тайсоннинг мумдан ишланган нусхаси пайдо бўлди. Тайсон ҳайкал тақдимотига оиласи билан бирга ташриф буюрди ва ўзининг нусхаси олдида мароқ билан суратга тушди. Бу ҳақда «Корреспондент.net» хабар бермоқда.
Нусха салкам ярим йил давомида тайёрланди, бунинг учун Тайсоннинг суратлари ва видеоси ўрганилиб, минглаб ўлчамлар олинди. Ҳайкал кўринишига асос сифатида эса боксчи иккинчи даражали роллардан бирини ижро этган «Вегасдаги улфатчилик» фильми танланди.
Боксчи кўз қийиғи ва рангини шахсан танлади. Натижа эса, Тайсоннинг маълум қилишича, у кутгандан ҳам аъло бўлди: у ҳайкал ўзига шунчалик ўхшаш бўлишини кутмаганлигини яширмади.
Изоҳ (0)