Акмал Камалов «Ўзпахтасаноатэкспорт» холдинг компанияси бошқарувининг раиси этиб тайинланди. Бу ҳақда Ўзбекистон ТИВнинг Facebook’даги саҳифасига таяниб, «Газета.uz» хабар бермоқда.
Акмал Камалов 2014 йилнинг октябридан бери Ўзбекистон Республикасининг Россия Федерациясидаги Фавқулодда ва Мухтор Элчиси лавозимида ишлаб келаётганди.
У Тошкент темир йўл муҳандислари институти (1991 йил, муҳандис-механик) ва Президент қошидаги давлат ва жамият қурилиши академияси (2004 йил, халқаро иқтисодий муносабатлар магистри) битирувчиси ҳисобланади. Иқтисод фанлари номзоди илмий даражасига эга.
2001—2005 йилларда «Ўзбекистон темир йўллари» давлат компаниясида халқаро иқтисодий алоқалар департаменти раҳбари бўлиб ишлаган.
2005—2011 йилларда Ташқи иқтисодий алоқалар агентлиги раиси ўринбосари, кейин эса Ташқи иқтисодий алоқалар, инвестициялар ва савдо вазири ўринбосари бўлиб ишлаган.
2011—2014 йилларда Ўзбекистон Ташқи иқтисодий алоқалар, инвестициялар ва савдо вазирининг биринчи ўринбосари бўлиб ишлаб келган.
Эслатиб ўтамиз, пахта толасини қабул қилиш, қайта ишлаш ва экспорт қилиш бўйича «Ўзпахтасаноатэкспорт» холдинг компанияси Ўзбекистон Республикаси Президенти Ислом Каримовнинг 2015 йил 27 октябрдаги фармонига асосан ташкил этилган.
Изоҳ (0)