Еврокомиссия Туркияга 3 миллиард евро ажратишни маъқуллаганидан сўнг, Туркия муҳожирлар оқимини тартибга солиш бўйича Европа Иттифоқига ёрдам беришга рози бўлди. Бу ҳақда «Газета.ru» хабар бермоқда.
«Томонлар миграция инқирозини ҳал этишда, жумладан, аслида халқаро муҳофазага муҳтож бўлмаган қочоқларни ўз ватанларига қайтариш масалалари бўйича ҳамкорликни фаоллаштиради», — дейилади хабарда.
Мазкур масалани ҳал этиш учун Туркия Европа комиссиясидан 3 миллиард евро олади. Қайд этишларича, кейинчалик бу миқдорга тузатиш киритилиши мумкин.
Аввалроқ Еврокомиссия муҳожирлар билан боғлиқ муаммоларни ҳал қилиш учун Туркияга 3 миллиард евро ажратилишини маъқуллаган эди. Маблағлар 2016 йил 1 январдан бошлаб тақдим этилади.
Изоҳ (0)