Исроилнинг Тель-Авив шаҳрида ўтказилаётган, мукофот жамғармаси 10 минг долларни ташкил этувчи турнирнинг жуфтликлар мусобақасидаги ўзбекистонлик Влада Якшибарова муваффақиятли иштирок этмоқда, деб хабар беради «Оламспорт».
У жуфтлик мусобақасида ярим финалга чиқди. Россиялик Ольга Дорошина билан бирга биринчи рақамли жуфтликни ҳосил қилган Влада чорак финалда руминиялик Елена-Теодора Кадар ҳамда молдовалик Юлия Хелбетни 6:2, 6:3 ҳисобида таслим этди. Уларнинг финал остонасидаги рақибалари Россия ва исроиллик теннисчилар бўлади.
Эслатиб ўтамиз, Влада ушбу мусобақанинг яккалик баҳсларидаги иштирокини чорак финалда якунлаган эди.
Изоҳ (0)