Ўзбекистонлик ёш теннисчи Жўрабек Каримов Мексиканинг Мехико шаҳрида давом этаётган турнирнинг чорак финалига чиқди. Бу билан Жўрабек 64 нафар теннисчи иштирокини бошлаган ушбу мусобақадаги учинчи ғалабасига эришди, деб хабар қилади «Оламспорт».
Турнирда тўртинчи рақам остида таснифланган Жўрабек учинчи босқичда мусобақада 15-рақам остида ҳаракат қилган польшалик Каспер Жукни 6:1, 6:2 ҳисобида таслим этди. Унинг ярим финал йўлидаги рақиби турнирнинг олтинчи ракеткаси франциялик Уго Умберт бўлади.
Эслатиб ўтамиз, Жўрабек Каримов ушбу турнирнинг илк даврасида германиялик Тим Руэлни 6:2, 4:6, 7:5, иккинчи босқичда эса венгриялик Акос Которманни 6:4, 6:7(5), 6:2 ҳисобида таслим этган эди.
Изоҳ (0)