Россиянинг «Краснодар» клуби Европа Лигаси гуруҳ босқичининг 5-турида Дортмунднинг «Боруссия» жамоасини 1:0 ҳисобида мағлуб этди. Учрашувдан сўнг Ўзбекистон терма жамоаси сардори Одил Аҳмедов ўйин юзасидан ўз фикрини билдирди, деб ёзади «Оламспорт».
«Шубҳасиз, бу биз учун тарихий ғалаба. ‘Боруссия’ Германияда ‘Бавария’дан сўнг иккинчи ўринда турувчи кучли жамоа ҳисобланади. Ўйин иккала жамоа учун ҳам муҳим эди. Бу ерда плей-офф босқичи йўлланмаси билан бирга гуруҳ ғолиблиги учун кураш кечди. Аслида Дортмунддаги ўйинда ҳам ғалаба қозонишимиз керак эди. Бугун ҳам бор кучимиз билан ҳаракат қилдик ва якунда ҳақли ғалабага эришдик», — деди Аҳмедов.
Эслатиб ўтамиз, «Краснодар» Дортмунднинг «Боруссия» жамоасини мағлуб этиб, муддатидан аввал Европа Лигасининг плей-офф босқичига йўлланма олган эди.
Изоҳ (0)