Туркия—Сурия чегарасида юк машиналари карвони бомбардимон қилинди

Туркия—Сурия чегарасида 20 та юк машинасидан иборат автомобиллар карвони бомбардимон қилинди, дея хабар бермоқда Meduza.

Ҳужум юк машиналари чегарадан беш километр масофада, Аъзаз шаҳри томон ҳаракатланаётган вақтда юз берган. Ҳужум оқибатида камида етти киши (барчаси — юк машиналари ҳайдовчилари) ҳалок бўлган, 10 киши тан жароҳати олган.

Машиналарда тижорий юклар ҳам, инсонпарварлик ёрдами ҳам бўлган бўлиши мумкин. Hurriyet нашри маълумотларига кўра, автомобиллар қочоқлар лагери томон ҳаракатланаётган эди.

Автокарвонни ким бомбардимон қилгани ҳозирча номаълум. Humanitarian Relief Foundation гуманитар ташкилотининг Twitter’даги саҳифасида таъкидланишича, зарба ҳаводан, Россия самолётлари томонидан берилган.

Hurriyet’нинг қайд этишича, ҳужум Сурия самолётлари томонидан амалга оширилган бўлиши ҳам мумкин.

Rusya'dan düşen uçak misillemesi... Türk konvoyu bombalandı: İlk belirlemelere göre 7 ölü https://t.co/n5oHagiF8W pic.twitter.com/Uuy3jDgUQo

— Cumhuriyet (@cumhuriyetgzt) November 25, 2015

UPDATE - 7 people reportedly killed in Russian air strikes on aid convoy in Azaz, Syria https://t.co/OPZPBPr8sx pic.twitter.com/CDoZlwXzV3

— Daily Sabah (@DailySabah) November 25, 2015