Кремлдагилар олий муфтий Талгат Тажуддиннинг Сурия ва Исроилга нисбатан «худди Қрим билан» қилингани каби муносабатда бўлиш ҳақидаги таклифини изоҳлади. Россия президенти матбуот котиби Дмитрий Песков айтишича, муфтийнинг сўзлари, афтидан, ҳазил бўлган, деб ёзади «РБК».
«Бунда гап муфтийнинг қандайдир ҳазили ҳақида бормоқда чамаси. Бу ҳазилдан бошқа нарса бўла олмайди», — деди Песков Тажуддиннинг фикрини изоҳлаб бериш ҳақидаги илтимосга жавобан.
Нашр эслатишича, аввалроқ Россия олий муфтийси Талгат Тажуддин Уфадаги Бутунжаҳон бошқирдлар қурултойи мажлисида Исроил ва Сурияни Россияга қўшиб олишни таклиф қилган эди.
Изоҳ (0)