24 ноябрь, сешанбадан Буюк Британия қироличаси Елизавета II 90 ёшга тўлиши муносабати билан ўтказиладиган тантаналарга чипталар сотилиши бошланди. Бу ҳақда «Ведомости» хабар бермоқда.
Сотувга 25 минг дона чипта чиқарилган. 55 дан 165 фунт стерлинггача (83 дан 250 долларгача) нарх белгиланган чипталар қиролича оила аъзолари иштирокидаги тадбирлар, 75 дан 195 фунт стерлинггача (113 доллардан 295 долларгача) бўлган чипталар эса 15 май кунига, Елизавета II шахсан иштирок этадиган маросим учун мўлжалланган. Тўпланган барча маблағ хайрия мақсадларида ишлатилиши айтилмоқда.
Эслатиб ўтамиз, шу йил 9 сентябрида Елизавета II мамлакат тарихида энг узоқ ҳукм сурган монархга айланди: у тахтни 63 йил, етти ой ва икки кун бошқарган қиролича Виктория рекордини янгилаганди.
Изоҳ (0)