Қозон шаҳридаги «Сибирские номера» апартаментида россиялик тадбиркор Алишер Усмонов оиласи аъзоларидан бири Антон Винер томонидан очилган «Урюк» ўзбек ресторани меҳмонларни қабул қилишни бошлади. Бу ҳақда «БИЗНЕС Online» хабар бермоқда.
Антон Винер — Ирина Винер-Усмонованинг ўгли, Алишер Усмоновнинг эса ўгай ўғли ҳисобланади.
Қозондаги ресторан «Урюк» ресторанлар тармоғининг 21-муассасаси ҳисобланади. «Урюк» ресторанлар тармоғининг ривожланиш ва франчайзинг бўйича директори Сергей Миночкиннинг айтишича, лойиҳани ишга тушириш учун 117 миллион рубль сарфланган.
Ресторан очилиши ҳозирча норасмий, унинг расмий очилиши декабрь ойининг ўрталарида бўлиб ўтади. Унга Винернинг шахсан ўзи ташриф буюриши кутилмоқда.
Миночкиннинг сўзларига кўра, рестораннинг умумий майдони 720 квадрат метрни ташкил қилади ва у 200 нафар меҳмонни қабул қилишга мўлжалланган. Муассасада 50—70 нафар ходим ишлайди.
Изоҳ (0)