Олий Лига сўнгги турида «Андижон» дарвозасига 6 та гол урган «Пахтакор» 11-марта Ўзбекистон чемпиони бўлди

Футбол бўйича Ўзбекистон Олий Лигаси 30-тури доирасида 21 ноябрь, шанба куни «Пахтакор» — «Андижон» ва «Навбаҳор» — «Локомотив» учрашувлари бўлиб ўтди. «Uff.uz» хабарига кўра, мавсумдаги сўнгги ўйинларда футбол бўйича 2015 йилги Ўзбекистон чемпиони номи аниқланди.

«Пахтакор» ўз майдонида «Андижон» дарвозасига жавобсиз олтита гол киритди ва чемпионликни тантана қилди. Бу «Пахтакор» тарихидаги 11-чемпионлик бўлди.

Ушбу учрашувда ҳужумчи Игорь Сергеев иккита гол уриб, жами 23 гол билан Олий Лига—2015 тўпурарига айланди.

«Локомотив» эса «Навбаҳор» майдонида 3:2 ҳисобида ғалабага эришди. Учрашувда «Навбаҳор» 2:1 ҳисобида олдинда бораётган эди, аммо сўнгги дақиқаларда голлар ўтказиб юборди.

«Қизиқ томони, ‘Локомотив’нинг иккинчи голи 90+1-, учинчи голи эса 90+2-дақиқада киритилди», — деб ёзади «Uff.uz».

Олий Лига—2015 30-тур учрашувлари

«Пахтакор» (Тошкент) — «Андижон» 6:0 Голлар: Машарипов (15), Соҳибов (41), Кримец (45+1), Сергеев (72-пен., 84), Солиев (86-пен.).

«Навбаҳор» (Наманган) — «Локомотив» (Тошкент) 2:3 Голлар: Валижонов (52), Шихов (68) — Абдухолиқов (44), Тўраев (90+1), Мамазулунов (90+2).