Ўзбекистоннинг иккинчи ракеткаси Фаррух Дўстов Италиянинг Брешиа шаҳрида давом этаётган «Челленжер» туркумига кирувчи турнирдаги иштирокини якунлади. Фаррух яккаликдан сўнг жуфтлик баҳсида ҳам мағлубият аламини тотиб кўрди, деб хабар қилади «Оламспорт».
Мукофот жамғармаси 42 минг 500 еврони ташкил этувчи мусобақанинг жуфтликлар баҳсида италиялик Алессандро Мотти билан тандем ҳосил қилган Дўстов чорак финалда Игорь Зеленай ҳамда Илья Бозоляч жуфтлигига икки сетда ҳам бир хил 3:6 ҳисобида ютқазиб қўйди.
Эслатиб ўтамиз, Дўстов турнирнинг яккалик баҳслари чорак финалида голландиялик Игорь Сийслингга 3:6, 4:6 ҳисобида имкониятни бой бериб қўйган эди.
Изоҳ (0)