Европанинг йирик ОАВлари хатолик сабаб канадалик сикхни парижлик террорчи сифатида таништирди

Интернет фойдаланувчилари канадалик Вирендер Жуббалнинг қайта ишланган суратини тарқатишни бошлаганидан сўнг, ОАВ хатолик сабаб уни Парижда юздан ортиқ одамни ўлдирган террорчилардан бири сифатида қабул қилди. Бу ҳақда TJournal хабар бермоқда.

14 ноябрь куни тонгда ҳиндларнинг сикх халқига мансуб Вирендер Жуббал сурати таҳрирлангани ва интернетда 13 ноябрь куни Парижда юз берган қўпорувчилик ҳаракатларининг иштирокчиларидан бирининг фотоси сифатида тарқалаётганини билиб қолди.

Оригинал кадр Жуббалнинг Twitter’даги саҳифасида 4 август куни эълон қилинган. Суратнинг янги талқинида Жуббалнинг қўлидаги iPad планшети Қуръон билан алмаштирилган, танасига эса портловчи ускунаси бор нимча кийдириб қўйилган.

People are editing, and photoshopping my selfies as if I am one of the people causing the issues/problems in Paris.

— Veerender Singh Jubbal (@Veeren_Jubbal) November 14, 2015

Бахтга қарши, интернетда сохта сурат тарқалаётгани ҳақидаги фойдаланувчиларнинг муҳокамалари ОАВни хато қилишдан сақлаб қола олмади.

15 ноябрь куни Жуббалнинг фотосуратини Испаниянинг энг катта газетаси — La Razon ўз муқовасига жойлаштирди.

Lo primero, como cada día, nuestra portada https://t.co/RNwPb8iyI9 pic.twitter.com/WW6vQrQnOs

— La Razón (@larazon_es) November 15, 2015

Худди шу куни сурат Италиянинг Sky TG24 канали сайтида пайдо бўлди.

https://twitter.com/SkyTG24/status/665627398138929152

Жуббалнинг фотосуратини ким таҳрирлагани сирлигича қолмоқда. Бироқ Жуббалнинг ўзи бу 2014 йилда оммалашган GamerGate ҳаракатини танқид қилгани учун ҳаракат фаоллари томонидан олинган қасос эканлигига ишончи комил. Вирендернинг маълум қилишича, у ҳеч қачон Парижда бўлмаган, у мусулмон эмас, уни безор қилаётган геймерлар эса «ахлатдан бошқа нарса эмас». Жуббал ўзини феминист деб ҳисоблайди.

Gamers are absolute garbage like I have been saying for a full year.

People will not stop harassing, and bothering me.

I am cute as gosh.

— Veerender Singh Jubbal (@Veeren_Jubbal) November 14, 2015

Жуббал интернет фойдаланувчилари томонидан фаол қўллаб-қувватланди, уларнинг қайд этишича, бу каби таҳрирланган фотолар унинг ҳаётини хавф остида қолдиради. Фойдаланувчиларнинг фикрича, суратларни текширмасдан чоп этган ОАВлар ҳам бу ҳолатга жавобгар.

https://twitter.com/AmyStephen/status/665957251585343488

#Gamergate has relentlessly targeted @veeren_jubbal with racist and Islamaphobic harassment for months - just for being Sikh and feminist.

— Brianna Wu (@BriannaWu) November 15, 2015