Марокаш текширувлар бюроси ходимлари мамлакатда ҳужумлар амалга оширишга тайёргарлик кўрган, ИШИДга алоқадор бўлган террорчилик тармоғининг тўрт нафар ташкилотчисини қўлга олди. Бу ҳақда мамлакат махсус хизматлари баёнотига таяниб, МАР миллий агентлиги маълум қилди, дея хабар беради «РИА Новости» .
«ИШИДга алоқадор бўлган террорчиларнинг режаларига тўсқинлик қилишга оид ҳаракатлар доирасида Марказий текширувлар бюроси 16 ноябрь, душанба куни Бани Меллал шаҳрида тўрт нафар экстремистдан иборат гуруҳни фош этди», — дея таъкидланади мазкур баёнотда.
Гумонланувчилар ИШИД қўмондонлари билан алоқада бўлгани ва улардан молиявий ҳамда техник ёрдам олгани дастлабки тергов чоғида аниқланди. Қўлга олинганлар тергов якунлангандан сўнг суд олдида жавоб беради. Марокаш бош прокурори ушбу ишни шахсан назоратига олган.
Изоҳ (0)