Лондондаги Империя коллежи физиклари моддани лазер ёрдамида атиги 20 фемтосония (сониянинг квадриллиондан бир қисми) мобайнида Қуёш ядроси ҳароратидан ошиқ ҳароратда қиздира олишни ўрганди. Олимларнинг таъкидлашича, янги услубнинг тезлиги энг илғор лазер тизимлариникидан ҳам 100 баробар юқори. Бу ҳақда Nature Communications журнали хабар бермоқда.
Янги услуб биринчи галда термоядроли синтез технологияларини ишлаб чиқиш учун зарур. Реакторлар фаолияти учун Қуёш бағридаги шароитлар ва жараёнларни яратиб бериш ҳамда ашёларни қисқа муддатда ўта юқори ҳароратда қиздириш лозим.
Ҳозирча янги технология назарий модель кўринишида. Изланишлар унинг ёрдамида кўп бўлмаган миқдордаги қаттиқ моддани бир неча ўн фемтосония ичида Цельсий бўйича 11,6 миллион даражада қиздириш мумкинлигини кўрсатмоқда. Тадқиқотчилар моделнинг ҳаққонийлигини тажрибаларда кўрсатишни режалаштирган.
Изоҳ (0)