2015 йилнинг 16 ноябрь куни Ўзбекистон Республикаси ташқи ишлар Вазири Абдулазиз Камилов Франция Республикасининг Тошкент шаҳридаги Элчихонасига ташриф буюрди. Бу ҳақда вазирлик матбуот хизмати хабар бермоқда.
Вазир кўплаб инсонларнинг ҳалок бўлишига олиб келган 13 ноябрда Париж шаҳрида содир этилган қатор террористик актлар муносабати билан таъзия билдирди ва дипломатик ваколатхонада очилган Ҳамдардлик китобига қайд киритди.
Элчи Жак-Анри Эльс ўз навбатида Ўзбекистон томонининг француз халқига қайғули бўлган вақтда йўллаган ҳамдардлик ва далда учун ўз миннатдорчилигини билдирди.
- Воқеа: Париждаги терактлар
Изоҳ (0)