Баварияда (Германия) жойлашган Валленфельс шаҳридаги уйлардан бирида етти нафар чақалоқнинг жасади топилди. Улар 12 ноябрь, пайшанба куни чақириқ бўйича етиб келган тез тиббий ёрдам бригадаси томонидан аниқланган. Бу ҳақда маҳаллий полицияга таяниб, Süddeutsche Zeitung нашри маълум қилди, дея хабар беради «РБК».
Полиция вакили Анне Хёфернинг айтишича, жасадлар уйдаги битта хонада сақланган, қоғоз сочиқ ва пластик пакетларга ўралиб, қутига жойлаштирилган. 13 ноябрь, жума куни болалар жасади қолдиқлари экспертизага жўнатилган, унинг натижалари келгуси ҳафта бошида маълум бўлиши мумкин.
Болалар қачон ва қай ҳолатда ўлгани, жинси ҳамда ёши ҳақида ҳозирча маълумотлар йўқ. Прокуратура вакили Мартин Диппольт айрим жасадлар уйда бир неча йил сақланганини билдирди.
Қўшниларнинг айтишича, мазкур оила «болаларига меҳрибон ажойиб инсонлар» бўлган эр-хотин, улардан бирининг онаси ва бир неча нафар боладан иборат (улар жуфтликнинг олдинги турмушидан). Жасади аниқланган чақалоқларнинг онаси эканлиги тахмин қилинаётган 45 ёшли аёлни топиб, сўроққа тутишнинг имкони бўлмаган: турмуш ўртоғи билан аразлашган аёл сентябрь охирларида бошқа жойга кўчиб ўтган.
Изоҳ (0)