Шимолий Кореянинг машҳур ҳарбий раҳбари, Корея халқ армияси маршали Ли Ил Солнинг дафн маросими бўлиб ўтди, дея хабар бермоқда «Газета.ru». Унда Ким Чен Ин КХДРнинг давлат, партия ва ҳарбий соҳаси етакчи арбоблари билан бирга қатнашди.
Эслатиб ўтамиз, Ли Ил Сол 6 ноябрь куни 95 ёшида ўпка саратонидан вафот этди. Мамлакат кўчаларида афсонавий маршални бир неча ўн минглаб пойтахт аҳолиси сўнгги манзилга кузатди.
Ли Ил Сол икки карра КХДР қаҳрамони ва Меҳнат қаҳрамони деб топилган. Ҳарбий раҳбар бир қатор орденлар, жумладан Ким Ир Сен ордени, Ким Чен Ир ордени, биринчи даражали Миллий байроқ ҳамда Озодлик ва Мустақиллик ордени билан тақдирланган.
У аксиляпон ҳаракатида қатнашган, Ким Ир Сеннинг сафдоши бўлган, шунингдек, КХДР қуролли кучларини мустаҳкамлашга катта ҳисса қўшган.
Изоҳ (0)