Ким Чен Ин шахсий ҳожатхонаси билан саёҳат қилиши маълум бўлди

Шимолий Корея етакчиси Ким Чен Ин мамлакат бўйлаб сафари чоғида шахсий кўчма ҳожатхонасини олиб юради, дея хабар бермоқда «Газета.ru». У ҳарбий базалар ёки давлат заводларига ташриф чоғида доимо соқчилик машинасига ортилган бўлади.

КХДР етакчисига ҳамроҳлик қилувчиларга яқин бўлган манба сўзларига кўра, соқчилик машиналари одатда бир нечта бўлади, шу сабабли ҳожатхона уларнинг айнан қайси бирида эканлигини айтиб бўлмайди.

Ким Чен Инга яқин яна бир аноним манба ушбу маълумотни тақсдиқлади. «Етакчи саёҳатлари чоғида жамоатчилик ҳожатхонасидан фойдаланиши Шимолий Корея жамиятида ақлга сиғдириб бўлмайдиган ҳолат», — деди у.

Таъкидланишича, КХДР раҳбарининг шахсий ҳожатхонасидан фойдаланишга уринган ҳар қандай киши жиддий жазога тортилади.