«Ўзекспомарказ»да «Транспорт ва логистика – TransUzbekistan – 2015» XII халқаро кўргазмаси иш бошлади. Бу ҳақда ЎзА хабар бермоқда.
Кўргазма Ўзбекистон Республикаси Ташқи иқтисодий алоқалар, инвестициялар ва савдо вазирлиги, Савдо-саноат палатаси, «Ўзтрансгаз» акциядорлик компанияси, Ўзбекистон халқаро автомобилда юк ташувчилар уюшмаси, Ўзбекистон халқаро экспедиторлар уюшмаси ва «ITЭ Узбекистан» халқаро кўргазма компанияcи ҳамкорлигида ташкил этилди.
Мазкур халқаро кўргазма Ўзбекистонга чет эл инвестицияси кириб келишини рағбатлантириш, маҳаллий ва хорижий компаниялар ўртасида ҳамкорлик муносабатларини янада такомиллаштириш имконини бермоқда. Унда Ўзбекистон, АҚШ, Германия, Франция, Польша, Корея Республикаси, Хитой, Бирлашган Араб Амирликлари, Туркия, Эрон, Латвия, Литва, Россия, Беларусь ва бошқа давлатлардан элликдан зиёд компания иштирок этмоқда.
Ўзбекистонда суюлтирилган газдан фойдаланувчи транспорт воситалари сони тобора ортмоқда. Хусусан, атмосферага ҳаракат манбаларидан чиқаётган зарарли моддаларни қисқартиришга қаратилган чора-тадбирлар самарасида 2008—2012 йилларда 161 мингдан зиёд транспорт воситаси газ ёнилғисига ўтказилган бўлса, 2013—2017 йилларда яна 74 мингдан ортиқ автомобиль транспорти шу турдаги ёнилғига ўтказилиши белгиланган.
Табиий газдан мотор ёнилғиси сифатида фойдаланиш суръатининг ўсиб бориши бу борадаги инновацион ишланмаларга бўлган талабни оширмоқда. Кўргазманинг алоҳида бўлими сифатида биринчи марта ташкил этилган «Транспортда газ – НГВ» бу йўналишдаги янгиликларни намойиш қилишга қаратилган тадбир бўлиб, унда 11 компания ўз маҳсулот ва хизматлари билан иштирок этмоқда.
Изоҳ (0)