Ўзбекистон 2015 йилги Дунё хайр-саховат рейтинги (World Giving Index) ўтган йилгига нисбатан бир поғона юқорилаб, 27-ўринни эгаллади, дея хабар бермоқда «Анонс». Рейтинг SAF (Charities and Foundation) хайрия жамғармаси томонидан тақдим этилди.
Хайр-саховат бўйича 2015 йилги дунё рейтинги Gallup компанияси томонидан 2014 йил давомида 145 та мамлакатда ўтказилган сўров маълумотлари бўйича тузилган. Мамлакатнинг рейтингдаги ўрни хайрия ташкилотларига маблағ ўтказиш, кўнгилли сифатида ишлаш, нотаниш муҳтож кишига ёрдам бериш каби учта йўналиш бўйича ўртача кўрсаткичдан келиб чиқиб белгиланади.
Тадқиқот натижаларига кўра, Ўзбекистон бошқаларга тўғридан-тўғри ёрдам берадиган кишилар сони (43%) бўйича 7-ўрин, нотаниш муҳтож кишига ёрдам бериш бўйича 38-ўрин ва хайрия ташкилотларига маблағ ўтказиш борасида 62-ўринни эгаллади.
Мьянма ва АҚШ рейтинг етакчиларига айланди, учинчи поғонани Янги Зеландия, тўрт ва бешинчи поғоналарни эса Канада ва Австралия банд этди. Рейтингдаги энг паст кўрсаткич эса Бурундига тегишли бўлди.
Изоҳ (0)