Ўзбекистон ҳукумати 2015—2017 йиллар даврида қишлоқ ва сув хўжалиги тармоқларини олий маълумотли юқори малакали кадрлар билан таъминлашни янада такомиллаштириш дастури (pdf)ни тасдиқлади.
Ҳужжат қишлоқ ва сув хўжалиги тармоқалрида талаб юқори бўлган олий маълумотли кадрлар тайёрлаш сифатини тубдан ошириш, қишлоқ ва сув хўжалиги соҳаси таълим муассасаларининг моддий-техника базасини янада мустаҳкамлаш, таълим жараёнига замонавий юроқи самарали педагогика ва ахборот-коммуникация технологияларидан фойдаланган ҳолда ўқитишнинг илғор усулларини фаол жорий этиш, қишлоқ ва сув хўжалиги тармоқлари педагог кадрлари ва мутахассислари малакасини ошириш ҳамда уларни қайта тайёрлашга йўналтирилган.
Дастурга мувофиқ, Тошкент давлат аграр университети тузилмасида ўз фаолиятини юридик шахс ташкил этмасдан амалга оширувчи Ўқув ва ишлаб чиқариш амалиёти маркази ташкил этилади. Шунингдек, қишлоқ ва сув хўжалиги олий таълим муассасалари ҳузурида давлат унитар корхоналари шаклида фермер хўжаликларининг раҳбарлари ва мутахассисларини қайта тайёрлаш ва уларнинг малакасини ошириш минтақавий марказлари ташкил этилади.
Изоҳ (0)