Қашқадарё вилоятида 2015 йилнинг ўтган даврида тадбиркорлар фаолиятига асоссиз аралашган мансабдорларга нисбатан 14 та жиноят иши қўзғатилди. Бу ҳақда «Ҳуқуқ» газетасининг 5 ноябрь сонида хабар берилган.
Жиноят иши қўзғатилишига сабаб бўлган шахслар орасида маҳаллий ҳокимликлар, давлат бошқарув органлари мансабдорлари бор.
«Ҳуқуқ»нинг ёзишича, улар тадбиркорлик субъэктлари фаолиятига асоссиз аралашган, уларнинг фаолиятига бюрократик тўсиқ қўйиш ва ваколатларини суиистеъмол қилиш ҳолатларига йўл қўйган.
Бундан ташқари, иқтисодиёт, солиқ ва валютага оид норматив-ҳуқуқий ҳужжатлар ижросини таъминлаш мақсадида ўтказилган тадбирлар натижасида қонунбузилишига доир 241 та ҳолат аниқланиб, жиноят ишлари қўзғатилди ва маъмурий ишлар юритилди.
Изоҳ (0)