Самарқанд вилоятида 2015 йилнинг биринчи ярим йиллигида табиий ва ис газидан заҳарланиш билан боғлиқ 9 та ҳолат қайд этилди. Бу ҳақда, вилоят Фавқулодда вазиятлар бошқармаси маълумотларига асосланиб, «Самаркандский вестник» газетаси хабар бермоқда.
Хабар беришларича, мазкур ҳолатлар оқибатида 13 киши бевақт ҳаётдан кўз юмди. Маълум бўлишича, 2013—2014 йилги куз—қиш мавсумида табиий ва ис газидан заҳарланиш билан боғлиқ вилоятда 5 та ҳолат қайд этилган.
Вилоят ФВБ бўлим мутахассиси М.Соҳобназаровнинг сўзларига кўра, ис гази асосан нотўғри фойдаланилаётган ёки носоз иситиш воситаларидан ажралиб чиқади. Бундан ташқари, киши ёнғин вақтида тутунга тўлган иншоот ичида, автомобилнинг двигатели ишлаб турган вақтда ёпиқ гараж ичида бўлган вақтида ҳам, заҳарли модда нафас йўли орқали организмга ўтиши мумкин.
Изоҳ (0)