2016 йил 1 январидан Ўзбекистонда давлат ҳокимияти ва бошқаруви органлари фаолиятининг очиқлик даражасини мониторинг қилиш ва баҳолаш тизими жорий этилади, дея хабар бермоқда «Review.uz» Вазирлар Маҳкамасининг 6 ноябрь куни қабул қилинган «‘Давлат ҳокимияти ва бошқаруви органлари фаолиятининг очиқлиги тўғрисида’ги Ўзбекистон Республикаси Қонуни низомини бажаришга қаратилган чора-тадбирлар мажмуасини амалга ошириш» тўғрисидаги қарорига таяниб.
Ҳужжатга мувофиқ, Давлат ҳокимияти ва бошқаруви органлари фаолиятининг очиқлигини таъминлаш фаолиятини мувофиқлаштирувчи ва назорат қилувчи жамоатчилик кенгаши тузилади.
Бундан ташқари, Давлат ҳокимияти ва бошқаруви органлари фаолиятининг очиқлигини таъминлаш фаолиятини мувофиқлаштирувчи ва назорат қилувчи жамоатчилик кенгаши ҳақидаги низом, Давлат ҳокимияти ва бошқаруви органлари фаолиятининг очиқлигини таъминлаш бўйича регламент, шунингдек, давлат ҳокимияти ва бошқаруви органлари фаолиятининг очиқлик даражасини мониторинг қилиш ва баҳолаш методикаси ишлаб чиқилади ва тасдиқланади.
Изоҳ (0)