2018 йилги Жаҳон чемпионати иккинчи саралаш босқичи доирасидаги Ўзбекистон – КХДР ўйини учун чипталар 6 ноябрь, соат 14:00 дан бошлаб сотувга чиқарилди. Бу ҳақда Ўзбекистон футбол федерацияси матбуот хизмати хабар берди.
Барча секторлар учун чипталар нархи 15 минг сўм қилиб белгиланган. Фақатгина SIP тоифали чипталар нархи 30 минг сўм. Барча чипталар «Пахтакор» стадиони кассаларида сотилмоқда.
Ўзбекистон миллий терма жамоаси 2018 йилги Жаҳон чемпионати иккинчи саралаш босқичи доирасида 12 ноябрь куни КХДР терма жамоасига қарши майдонга тушади. Ушбу учрашув Тошкентдаги «Пахтакор» марказий стадионида бўлиб ўтади. Ўйин 18:00 да бошланади. Ўйинни Алиризо Фағоний бошчилигидаги эронлик ҳакамлар жамоаси бошқариб боради.
Эслатиб ўтамиз, айни вақтда «H» гуруҳида КХДР терма жамоаси 5 та ўйинда 13 очко тўплаган ҳолда пешқадам бўлиб турибди. Ўзбекистон эса гуруҳдаги рақибларидан бир ўйин кам ўтказган ҳолда 9 очко билан иккинчи ўринни эгаллаб турибди.
Изоҳ (0)