Мадриднинг «Реал» футбол клуби ҳужумчиси Карим Бензема автомобилни ҳайдовчилик гувоҳномасисиз бошқаргани учун Мадрид судига чақириқ олди. Футболчи 23 ноябрга белгиланган суд мажлисида 29 октябрь куни тегишли ҳужжатсиз машина бошқаргани сабабларини тушунтириб бериши лозим. Бу ҳақда «Чемпионат» хабар бермоқда.
Эслатиб ўтамиз, олдинроқ Карим Бензема Франция терма жамоасидаги шериги Матье Вальбуэнадан унинг ишқий муносабатлари тасвирланган шахсий видеоёзувни ошкор этмаслик учун пул талаб қилганликда айбланиб, ҳибсга олинганди. Маълумотларга кўра, Бензема мазкур товламачиликда иштирок этганини тан олган.
Изоҳ (0)