Футбол бўйича Ўзбекистон Олий Лигаси 29-туридан ўрин олган навбатдаги бешта ўйин 5 ноябрь, пайшанба куни бўлиб ўтди, дея хабар бермоқда Ўзбекистон Профессионал футбол лигаси матбуот хизмати.
Олий Лигадан тушиб кетиш остонасида турган Самарқанднинг «Динамо» клуби билан 1:1 ҳисобида дуранг ўйнаган «Андижон» мусобақадаги ўрнини сақлаб қолиш масаласини тўла ҳал қилди.
Икки аутсайдер — «Бухоро» ва «Сўғдиёна» мос равишда Фарғона вилоятининг икки жамоаси — «Нефтчи» ва «Қўқон-1912»ни бир хил — 3:1 ҳисобида мағлуб этиб, сўнгги турда Жиззахда бўладиган «Сўғдиёна» — «Бухоро» учрашуви аҳамиятини ошириб юборди.
Эслатиб ўтамиз, турнинг дастлабки учта учрашуви 4 ноябрь, чоршанба куни бўлиб ўтганди. Хусусан, мазкур турда сафарда «Насаф»ни мағлуб этган «Пахтакор» навбатдаги чемпионлик сари муҳим қадам ташлади.
Олий Лига, 29-тур 5 ноябрь, пайшанба «Шўртан» (Ғузор) – «Навбаҳор» (Наманган) – 3:1. 6201 томошабин. Голлар: С. Бердиев (48), И. Таран (57, пенальти, 65) – Д. Жабборов (33).
«Қизилқум» (Навоий) – «Металлург» (Бекобод) – 1:1. 5103 томошабин Голлар: Ғ. Жумаев (76) – М. Сулаймонов (74).
«Бухоро» (Бухоро) – «Нефтчи» (Фарғона) – 3:1. 12318 томошабин. Голлар: А. Ибрагимов (58), Р. Мелзетдинов (87, пенальти), О. Шукуров (90+4) – У. Қодиров (65).
«Қўқон-1912» (Қўқон) – «Сўғдиёна» (Жиззах) – 1:3. 4647 томошабин. Голлар: О. Ҳайдаров (70) – М. Музаффаров (9), С. Риҳсибоев (43), Д. Ҳакимов (57).
«Андижон» (Андижон) – «Динамо» (Самарқанд) – 1:1. 4821 томошабин. Голлар: Ф. Бекмуротов (86) – Ф. Шотурсунов (88).
Олий Лига жадвалининг 29-турдан кейинги ҳолати:
Олий Лиганинг сўнгги, 30-тур учрашувлари 20 ноябрь, жума куни бўлиб ўтади. Барча учрашувлар 14:00 да бошланади:«Навбаҳор» — «Локомотив»«Металлург» — «Шўртан»«Нефтчи» — «Қизилқум»«Сўғдиёна» — «Бухоро»«Бунёдкор» — «Қўқон-1912»«Динамо» — «Олмалиқ»«Пахтакор» — «Андижон»«Машъал» — «Насаф»
Изоҳ (0)