Россиянинг A321 самолёти ҳалокатга учраган ҳудудда қидирув операцияси якунланди. Бу ҳақда «Газета.ru» Мисрнинг «Al-Hayat» телеканалига таяниб хабар беради.
Таъкидланишича, бу ҳақда Миср ҳукуматининг расмий вакили Ҳусам ал-Кавиш маълум қилган.
«Синай яримороли марказидаги қидирув-қутқарув ишлари ўз якунига етди. Миср ҳукумати энди барча умидини самолёт ускуналарининг кўрсатмалари ва экипажнинг сўзлашувлари ёзилган ‘қора қутилар’ билан боғламоқда», — деди у.
Эслатиб ўтамиз, A321 ҳалокати қурбонларининг жасадини кўздан кечирган мисрлик суд-тиббий эксперти уларга етган жароҳатларнинг даражаси самолёт бортида портлаш бўлганлигидан далолат бериши мумкинлигини маълум қилган эди.
Изоҳ (0)