Украина президенти Пётр Порошенко Украина Қуролли кучларида хорижликлар ва фуқаролиги бўлмаган шахслар ҳарбий хизмат ўташи билан боғлиқ баъзи Украина қонун ҳужжатларига ўзгартиришлар киритиш тўғрисидаги қонунни имзолади, дея хабар бермоқда «Корреспондент.net».
Қонуннинг мақсади Украина қуролли кучлари жанговар қобилиятини яхшилаш ҳамда Украинанинг одамлар билан боғлиқ ва молиявий йўқотишларини камайтиришдан иборат.
Ҳужжат Украина фуқароси бўлмаганларга шартнома бўйича мамлакат қуролли кучлари ва бошқа ҳарбий тузилмаларда хизматни ўташга рухсат беради. Қонунга мувофиқ, уларга ҳарбий унвонлар ва ижтимоий ҳимоя тақдим этилиши мумкин.
Қонун, шунингдек, ёлланма аскар, шахсий манфаат учун шартнома бўйича хизмат ўтаётган ва ҳарбий ҳаракатларда қатнашаётган шахслар тушунчаларини белгилайди. Ёллаш, ёлланма аскарларни молиялаштириш, уларнинг ҳарбий ҳаракатларда қатнашиши уч йилдан саккиз йилгача бўлган қамоқ муддати билан жазоланади.
Изоҳ (0)