Christie’s аукцион уйи декабрь ойи ўрталарида Буюк Британия ҳукуматининг собиқ раҳбари Маргарет Тэтчерга тегишли шахсий буюмларни кимошди савдосига қўяди. Бу ҳақда «Liga.net» хабар бермоқда.
The Telegraph маълумотларига кўра, олдинроқ Тэтчернинг буюмларини Виктория ва Альберт музейига жойлаштирмоқчи бўлишган, бироқ музей раҳбарияти бу фикрни маъқулламаганди.
Буюмларни сотиш тўғрисидаги қарорни собиқ бош вазирнинг фарзандлари — Марк ва Кэрол қабул қилган. Лотлар орасида Тэтчер музокараларда иштирок этган чоғида кийган костюмлар, кўплаб сумка, аксессуар ва тақинчоқлар, шунингдек, 5 минг фунтга баҳоланган қизил жомадон бор. Экспонатларнинг бошланғич нархи 200 дан 180 минг фунтгача, жами коллекция 500 минг фунтга баҳоланмоқда. Олдинроқ, 2014 йилда Тэтчер сиёсий фаолиятини якунлагандан сўнг яшаган уй 35 миллион фунтга сотувга қўйилганди.
Эслатиб ўтамиз, 1979—1990 йилларда Буюк Британия ҳукуматини бошқарган Маргарет Тэтчер нафақат ушбу мамлакат, балки Европа давлатларидаги биринчи аёл бош вазир бўлган. У 2013 йили 88 ёшида вафот этди.
Изоҳ (0)