АҚШнинг Мичиган штатида истиқомат қилувчи Маргарет Том Бикем 97 ёшида Гранд-Рапидс шаҳридаги Марказий ўрта мактабнинг 1936 йилда битирганлиги ҳақидаги дипломни қабул қилиб олди. Inquisitr’нинг хабар беришича, у оиласига ёрдам бериш мақсадида, ўқишни ташлаб кетишга мажбур бўлган.
Қариндошлари ва дўстлари даврасида йиғлаб юборган Маргарет бошига академик қалпоқни кийди, мактабнинг масъул шахсларига миннатдорчилик билдирди ва ўқишни ташлаб кетиш қарорини қийинчилик билан қабул қилганини сўзлаб берди. «Қанчалик оғир бўлганини тасаввур ҳам қилолмайсиз. Мен мактабни яхши кўрардим, у ерда дўстларим жуда кўп эди», — деди кекса аёл.
Тадбир Йоркшир и Стоунбриж қўрғончасидаги қариялар уйида бўлиб ўтди — Маргарет ҳозирги вақтда айнан шу ерда истиқомат қилмоқда. Руҳоний Грег Дежанинг сўзларига кўра, «Бикем мактабни ташлаб кетган вақтида унинг юраги чилпарчин бўлганди, бугунги тадбир эса унинг хаста юраги қисман малҳам бўлди».
https://twitter.com/Cancer_Olizer/status/660206814303154176
Бикем ўқишни 17 ёшида, саратон билан хасталанган онасининг ёнида бўлиш учун ташлаб кетган. Онанинг ўлимидан сўнг қиз, отаси Леонинг илтимосига кўра уч нафар кичик фарзандларга ғамхўрлик қилган. Бикем АҚШ армиясида ёзув-чизув ишларини олиб борадиган кичик хизматчи бўлиб ишлаган, кейинчалик 17 йил давомида Грейс черковида тарбиячилик қилган. Мактабга қатнаш учун унда имкон бўлмаган, шунга қарамай у ўқишни тугатиш умидини сўндирмаган.
2015 йили Бикемни қариндош укасининг қизи мактаб маъмуриятига мурожаат қилиб, аёлнинг ҳаёт тарихини сўзлаб берган. Таълим муассасаси вакиллари аёлнинг орзусини рўёбга чиқариш мақсадида, орадан 80 йил ўтиб унга диплом топшириш маросимини уюштиришга рози бўлди. Бева Маргарет Том Бикемнинг икки фарзанди, тўрт невараси ва бир эвараси бор.
Изоҳ (0)