Ўзбекистонда 2016 йилда байрам кунлари 9 та бўлади

Ўзбекистон Меҳнат ва аҳолини ижтимоий ҳимоя қилиш вазирлиги 2016 йилдаги иш вақти ҳажмини ҳамда дам олиш ва байрам кунларини ҳисоблаб чиқди, деб ёзади UZ24.

Беш кунлик иш ҳафтаси учун 253, олти кунлик учун эса 305 иш куни белгиланди.

Байрам кунлари қуйидагилар:

• 1 январь — Янги йил;
• 8 март — Хотин-қизлар байрами;
• 21 март — Наврўз байрами;
• 9 май — Хотира ва қадрлаш куни;
• 6 июль — Рамазон ҳайити;
• 1 сентябрь — Ўзбекистон Республикаси Мустақиллиги куни;
• 12 сентябрь — Қурбон ҳайити;
• 1 октябрь — Ўқитувчилар куни;
• 8 декабрь — Конституция куни.

Иш соатлари қуйидагича ҳисобланади:

Беш кунлик (40 соатли) иш ҳафтаси саккиз соатлик иш куни ва етти соатлик байрамолди кунини ҳисобга олган ҳолда аниқланади.

Олти кунлик (40 соатли) иш ҳафтаси етти соатлик иш куни ва беш соатлик дам олишдан олдинги иш куни, шунингдек, олти соатлик байрамолди кунни (шанбага тўғри келса — тўрт соатлик) ҳисобга олган ҳолда белгиланади.

36 соатлик иш ҳафтаси олти соатлик иш куни ва беш соатлик байрамолди кунларни ҳисобга олган ҳолда аниқланади.