Euronews телеканалининг бутун жаҳон бўйлаб томошабинлари 2015 йил охирига қадар ҳар душанба куни Ўзбекистонга бағишланган ойлик «Uzbekistan Life» репортажлари сериясини томоша қилишлари мумкин бўлади. «Ўзбектуризм» миллий компанияси матбуот хизмати хабарига кўра, репортажлар 13 тилда эфирга узатилади.
Euronews репортёр ва журналист Катарина Каун томонидан тайёрланган, «Uzbekistan Life» репортажларининг учта янги қисмини намойиш этади. Самарқанд ва Буюк Ипак йўли ҳақидаги биринчи репортаж 20 октябрь куни эфирга чиқди.
Бундан ташқари, йил охирига қадар Бухоро ва Термиз ҳақидаги эпизодлар эфирга узатилиши кутилмоқда. Euronews орқали эфирга узатилаётган барча репортажларни телеканал сайтида топиш мумкин. «Uzbekistan Life» репортажлари «Ўзбектуризм» билан ҳамкорликда тайёрланмоқда.
Изоҳ (0)