Бош мураббий Самвел Бабаян Ўзбекистон миллий терма жамоасининг Жаҳон чемпионати—2018 иккинчи саралаш босқичи доирасидаги навбатдаги икки ўйин учун кенгайтирилган таркибни маълум қилди. Бу ҳақда Ўзбекистон футбол федерацияси матбуот хизмати хабар бермоқда.
Эслатиб ўтамиз, Ўзбекистон миллий терма жамоаси Жаҳон чемпионати—2018 иккинчи саралаш босқичи 6-тури доирасида Тошкентдаги «Пахтакор» марказий стадионида КХДРга қарши майдонга тушади. Ушбу учрашув, 12 ноябрь 18:00 да старт олади. 7-турда эса 17 ноябрь куни Яманга қарши сафарда ўйин ўтказади.
Қуйида ушбу икки ўйин учун миллий терма жамоа мураббийлар штаби томонидан жалб этилган футболчилар рўйхатини келтириб ўтамиз.
Дарвозабонлар: Александр Лобанов («Пахтакор»), Муроджон Зухуров («Бунёдкор»), Игнатий Нестеров («Локомотив»).
Ҳимоячилар: Даврон Ҳошимов («Пахтакор»), Егор Кримец («Пахтакор»), Анзур Исмоилов («Чангчун Ятай», Хитой), Ислом Тўхтахўжаев («Локомотив»), Камолиддин Тожиев («Пахтакор»), Виталий Денисов («Локомотив», Россия), Бобурбек Йўлдошев («Локомотив »).
Ярим ҳимоячилар: Одил Аҳмедов («Краснодар», Россия), Сервер Жепаров («Ульсан», Жанубий Корея), Азиз Ҳайдаров («Аш-Шабоб», БАА), Фозил Мусаев («Сепаҳон», Эрон), Сардор Рашидов («Ал-Жайиш», Қатар), Санжар Турсунов («Ворскла», Украина), Станислав Андреев («Пахтакор»), Жавоҳир Соҳибов («Пахтакор»), Жасур Ҳасанов («Локомотив»), Санжар Шоаҳмедов («Локомотив»), Достон Ҳамдамов («Бунёдкор»), Одилжон Ҳамробеков («Насаф»).
Ҳужумчилар: Марат Бикмаев («Локомотив»), Игорь Сергеев («Пахтакор»), Элдор Шомуродов («Бунёдкор»), Александр Гейнрих («Ордабаси», Қозоғистон), Илҳом Шомуродов («Насаф»).
Изоҳ (0)