Хитойда ишлаб чиқарилган биринчи йўловчи самолёти – C919 2 ноябрь, душанба куни Шанхайда конвейердан чиқди. Бу ҳақда «РИА Новости» «Синьхуа» агентлиги маълумотига таяниб хабар беради.
C919 – Хитойнинг 158 эконом-класс ўрнига ва 4075 километр парвоз давомийлигига эга бўлган биринчи магистрал самолёти лойиҳасидир. Лойиҳа COMAC (Commercial Aircraft Corporation of China) томонидан Ғарб етказиб берувчиларини фаол жалб қилган ҳолда амалга оширилмоқда.
Самолётнинг биринчи синов парвози келаси йилга режалаштирилган. Ундан тижорат мақсадида уч йил давомидаги синов парвозларидан сўнг фойдаланиш мумкин бўлади.
COMAC аллақачон 21 нафар буюртмачидан 517 та самолётга буюртма олди.
Изоҳ (0)