Туркия Иқтисодиёт вазирлиги Экспорт бош бошқармаси бошлиғи Вейсел Парлак бошчилигидаги автомобилсозлик соҳаси вакилларидан иборат делегация 9—12 ноябрь кунлари Ўзбекистонга ташриф буюради. Бу ҳақда Туркиянинг Ўзбекистондаги элчихонаси матбуот хизмати «Дарё»га маълум қилди.
Ташриф доирасида «Ўзавтосаноат» акциядорлик компанияси ва Ўзбекистон Савдо-саноат палатаси ҳамкорликда семинар ва фирмалар ўртасида бизнес-форум ўтказилиши кўзда тутилган.
Делегация аъзолари «SamAvto», JV MAN Auto-Uzbekistan, GM Powertrain сингари ишлаб чиқариш корхоналари фаолияти билан танишади, Auto&Parts Uzbekistan 2015 кўргазмасида қатнашади.
Изоҳ (0)