Бундай иш қилиш мушкул эмас. Бугунги кунга келиб бозоримиздаги реклама агентликларининг ҳаммаси ҳам ўз мижозлари учун сотилувчи матнларни юқори савияда туза оладиган малакали копирайтерларга эга эмас. Компания тузилмасида ўз потенциал аудиторияси учун бирор бир маҳсулот ёки хизматнинг сотуви бўйича сара турдаги таклифни аниқ ва тушунарли тилда етказиб бера оладиган мутахассисни топиш ғоят мураккаб. Албатта, бу аянчли ҳол.
Зеро реклама матнлари хоҳ у тижорат таклифи бўлсин, хоҳ реклама варақаси — бу компаниянгизнинг ҳар бир потенциал мижозингиз билан муносабатларни боғловчи ҳужжатдир. Ушбу ҳужжатларни тузишга етарли даражада масъулиятли ва малакали тарзда ёндашилмаса, потенциал мижознинг ҳақиқий мижозга айланишидан олдин, ундан айрилиш мумкин. Бундай қилишнинг усуллари жуда кўп. Уларнинг ўнтагинасини, МДҲнинг энг сара копирайтерларидан бири Денис Каплунов тавсифлаб бермоқда.
1-усул: Сийқаси чиққан ва ишонарли бўлмаган сарлавҳа тузинг
Бу реклама матнингизни йўққа чиқариб, шу орқали, мижозингизни йўқотишнинг энг содда йўлидир. Агар сиз ўта оддий сарлавҳа тузсангиз, матнингизнинг давомини ҳеч ким ўқишни хоҳламайди ҳам. Бундай бўлса, ёзишнинг нима кераги бор? Бу бекор сарфланган вақт бўлиб қолади, холос.2-усул: Сарлавҳа ости матнни умуман назарга олманг
Иккинчи сарлавҳаларнинг вазифаси – ўқувчининг бутун матн бўйича ўзига хос йўлдоши бўлиб қолиш. Улар матнни аниқ тузилмалаштиришга ва ўқувчининг эътиборини ушлаб қолишга ёрдам беради. Қолаверса, бу каби матн билан танишиш анча қулайроқдир. Иккинчи сарлавҳаларни олиб ташланг ва матн ўз «йўлбошчилари»дан айрилади. Уларсиз эса туннель охирида ёруғликни топиш ёки қоронғи қалин ўрмонда қандайдир бўлса ҳам йўлакчага чиқиш мушкул бўлади.3-усул: Ўз таклифингизнинг фойдали эканлигини намоён қила кўрманг
Таклифингизнинг манфаатли томонлари – бу ўқувчиларга таклифингизни баҳолаш ва унинг қай даражада жозибадор эканлигини аниқлашга кўмаклашувчи матннинг асосий элементларидан биридир. Манфаатли томонларни изоҳлаш орқали сиз кўпчилик шубҳаларингизни тарқатишингиз мумкин. Лекин бундай қилишнинг нима кераги бор, тўғрими? Ахир сиз бу ҳақда бош қотиришни истамайсиз ва яна бир мижозни қўлга кирита оласизми-йўқми — бу сизга барибир.4-усул: Жумлаларни узун қилиб ёзинг ва катта абзацларни қўлланг
Ўқувчини яна бир бор жаҳлини чиқариш имкониятидан фойдаланишни истайсизми? Бунинг учун ўқувчи матн ғоясини, уни тушунмай турибоқ, йўқотиши учун каттадан-катта абзацларни ва узундан-узун жумлаларни қўллаш кифоя.5-матн: Шунчаки гапиринг, асло исботламанг
Исботлар китобхонлар томонидан ишончли муносабатни қўлга киритишга ёрдам беради. Муаллиф нафақат имкониятлар тўғрисида сўзлайди ва балки аниқ далилларни келтиради. Китобхонлар унга ишонади ва бу ижобий ҳолат, албатта. Реклама матнингиз, инсон ҳавосиз бўғилгани каби, далилларсиз «нафаси бўғилиб қолади».6-усул: Мумкин қадар кўпроқ хатоларга йўл қўйинг
Матнингизда хато қанча кўп бўлса, сизнинг сотилувчи матнларингизга ва яъни мижозларингизга бўлган бепарволигингиз ва тартибсизлигингиз намоён бўлади.Кани манга очучасига этинчи, шу гапи ўқивотганизда маза қилдизми? :)
7-усул: Китобхонларни ҳурмат қилиш керакмас
Ўзингизга ёққан шаклдагина ёзинг ва фақат ўзингиз тўғрингизда гапиринг. Ўқувчиларингизга такаллуфсиз мурожаат қилинг, ўзингизни худди кўчада қўлингизда пиво билан ўтириб, йиртиқ чўнтагингиздан тасодифан топилиб қолган чириган пистани чақаётгандек «тутинг». Қўпол сўзларни, «кўча тилини» қўллашни унутманг.8-усул: Ўта кичик ва тўйинтирилган шрифт
Матнингизни ўқиш учун киприги билан экранга ёпишиб олгунга қадар келиб қолган китобхонингизни кўз олдингизга келтиринг. Ундан ҳам яхшиси, энг кичик шрифтни танланг ва шу ондаёқ, ўқувчиларга лупани эксклюзив «Порше» нархида сотишга урининг. Бу ютқизиқсиз вариант, унинг ёрдамида мижозни қўлга киритмаслигингиз турган гап.9-усул: Рақиблар билан солиштириш ёки умуман йўқ, ёки аксинча, улар билан тўғридан-тўғри солиштириш мавжуд
Ўз таклифини рақиблари фонида, ҳеч кимнинг исмини айтмаган ва ҳеч кимни ҳақоратламаган ҳолда, назокат билан ажратиб кўрсатиш – бу истеъдод. Бу ерда танлашингиз мумкин бўлгани қуйидагича: ёки ўз таклифингизни ўхшаш маҳсулотлар билан солиштирмаслик – буни китобхоннинг ўзига қўйиб беринг, ёхуд рақибни сўз қуроли ёрдамида очиқчасига йўқ қилиш.10-усул: Алоҳида урғу берманг
Урғу остида тагига чизиш, турли хил белгилаш, ранглар билан ўйнаш ва ҳоказоларни назарда тутмоқдамиз. Матнингиз ҳарфлар ва сўзлардан иборат балчиқдек кўриниши керак. Матн ўзлаштирилишини соддалаштириб нима қиласиз? Ахир мақсад бутунлай бошқа.Сиз бу стратегияга ёндашиб, ҳеч нимани ўзгартирмаслигингиз мумкин, аммо, бу ҳолда, бизнесда муваффақиятга эришмасангиз керак. Лекин ҳаммасига қарши туриб, сиз малакали сотилувчи матнларни тузиш қарори билан тўлиб-тошган бўлсангиз, Денис Каплуновнинг Wyndham Tashkent меҳмонхонасида 3—4 ноябрь кунлари бўлиб ўтадиган икки кунлик «Сотилувчи матннинг тузилмаси» ва «Бизнес-класс турдаги копирайтинг» бизнес-семинарига хуш келибсиз.
Тўғри шаклдаги копирайтинг – бу ўз Мижозлари билан самарали алоқага ва бу деган гап, самарали сотувларга тўғри йўлдир.
Барча тафсилотларни www.change.uz сайти ва +998 (90) 994-12-11, +998 (90) 995-12-11, +998 (90) 994-16-11 телефон рақамлари орқали олишингиз мумкин.
Реклама ҳуқуқи асосида. «Дарё» ушбу тадбирнинг ахборот ҳамкори ҳисобланади
Изоҳ (0)