Ўзбекистон тадбиркорлик фаолиятини тартибга солишнинг яхшиланиши бўйича етакчи мамлакатлар ўнталигига кирди, дея хабар бермоқда «Review.uz».
Ушбу маълумот 30 октябрь куни Жаҳон банкининг Тошкентдаги ваколатхонасида бўлиб ўтган Жаҳон банки «Бизнесни юритиш 2016: бошқарув сифати ва самарадорлигини баҳолаш» ҳисоботи тақдимотида эшиттирилди.
Ўзбекистон ҳукумати оддий онлайн-регистрацияни жорий қилиш ва рўйхатга олиш қоидаларини тартибга солиш орқали янги корхоналарни рўйхатдан ўтказиш жараёнини соддалаштирди.
Таъминланган шартномалар ҳақида қатор қонунлар қабул қилиниб, кредит маблағларини қўлга киритиш имконияти яхшиланди.
Эслатиб ўтамиз, Жаҳон банки гуруҳи 27 октябрь куни «Бизнесни юритиш 2016: бошқарув сифати ва самарадорлигини баҳолаш» маърузасини эълон қилди. Унда Ўзбекистон 189 та давлат ичида ўтган йилги 103-ўриндан 16 поғона — 87-ўрингача кўтарилди. Ҳисоб бўйича ўн учинчи «Бизнесни юритиш» маърузасида тадбиркорлик фаолиятини кенгайтириш имконини берувчи ва уни чекловчи ҳуқуқий меъёрлар баҳоланади. Таҳлил хусусий корхоналар ҳаётий циклининг 11 та соҳаси бўйича олиб борилди.
Изоҳ (0)