Россия таркибидаги Бошқирдистон Республикасининг Салават шаҳрида номаълум шахслар етти нафар маҳаллий фуқарони отиб кетди, дея хабар бермоқда LifeNews. Ҳодиса натижасида бир киши ҳалок бўлди.
Бир гуруҳ эркаклар кечки пайт ресторандаги зиёфатни йўл-транспорт ҳодисасига учраган танишларига ёрдам бериш мақсадида тарк этади. Автомобилни эвакуация қилиш чоғида уларга уч номаълум шахс яқин келиб, воқеани мобил телефонда видеога ола бошлайди. Натижада даҳанаки жанг бошланади, номаълум кишилардан бири резина ўқли тўппончасини олиб, эркаклардан бирининг юзига қарата бир неча марта ўқ узади.
Шундан сўнг ҳужумкорлар воқеа жойидан яширинади, жабрланувчи касалхонага етказилади. Қолган эркаклар «вазиятни муҳокама қилиш учун» жабрланувчига тегишли автосервисга қайтади. Шунда бу ерга ниқоб кийган номаълум шахслар бостириб кириб, ўт очади.
Низо натижасида етти киши оғир жароҳатлар билан касалхонага ётқизилди. Бошидан яраланган эркак, автосервис хўжайини шаҳар шифохонасида ҳаётдан кўз юмди.
Ушбу ҳолат бўйича жиноий иш қўзғатилди.
Изоҳ (0)